Die Kampagne der Agentur Inhalt&Form für das neue Bündner Bier wird auf den Social-Media-Kanälen rege diskutiert. Persoenlich.com hat deshalb Camel Derungs, dem selbsternannten "Head Off Marketing" der erfundenen Marketingtruppe "Tschapatalpers", einige Fragen zukommen lassen. Genau wie die drei Viral-Filme der Kamapagne, sind auch die Antworten in bestem Bündner Dialekt nicht ganz ernst gemeint - aber geschmunzelt werden darf natürlich.
Camel Derungs, können Sie uns als "Head Off Marketing" bei Bündner Bier erklären, wie Sie auf die Idee zu Ihrer Kampagne gekommen sind?
Nei khuum, ich tuan doch jetz do nit vor allna Werber a Aaleitig zur perfekta Kampagna lifera. Kasch vergessa. Aber miar hend viill bi dr Tiarwelt und dr Natur abgluaget. Sovill kanni verroota.
Ok, und wo haben Sie die Inspiration für Ihre 360-Grad-Strategie B.B.M.W. (Bier, Brüste, Monstertrruck, Würste) geholt?
Marketing isch a khli wia American Football, miar müand das offensiv spiila - als Linebacker khasch di au nit immer hinter dina Defensive Backs verstecka… Bi Bündner Bier händ miar es prefessionells Team mit miar, em Tschischuri für Social Media Experience und em Mauro, wo in Züri ad dr beschta Marketingschuele gsi isch und natürli d Wendy… da goohsch steady uf Touchdown, Baby.
Weshalb hatten Sie Mühe mit dem Claim: "So. Und nid anderscht."?
A guata Khlaim muas bi da Lüüt khuasi könna Hemmiga lösa. So wiä das ds Bündner Bier au kann. Spööteschtens abem Vierta. Das kann dr Khlaim vo üsem CEO eifach nitta und das hani vo Afang a au offa kommuniziart. Für a guata Khlaim halti mi immer ans G.I.B.S.-Modell. Give it big and sexy. Zum Bsp. "Bündner Bier - Oben ohne schmeckts besser", Bäääämm Gspürrsch wiäs kribblet? Aber denn hät dr Claudio us dr Mafo wider gmeint, das würd gega d Fraua schüssa und dr CEO hät ehh uf siina Schiis Khlaim bstanda. Ja so laufts halt im Marketing.
Wie sehen Sie Ihre Chancen beim nächsten ADC?
Zerscht khunt natürlich für üs dr Edi, wo miar üsa Virala scho igschiggt hent. Döt rechne miar scho mitara Platziärig. I meina wer hät susch scho inera Schwiizer Kampagna en Monstertruck mit Bikini Girls dina kha? I hoff d Schüüri looht sich nit ds vill vom Schiiss Khlaim irritiara. Aber miar lönd scho nu üsers VitaminBB spilla!
Hand aufs Herz, sind Sie mit Ihrer Kampagne nicht sehr nahe bei Red Bull?
Ach khum scho. Der Felix Baumgarten isch ja vomna Ruhmschiff abagumpt. Kasch doch nit Birrä mit Marschmellows vergliicha. Zuadem isch üsa Virala CEO2 neutral produziart worda. Einzig dr Tschischuri hät mit siine Biärfürz gega ds Ozon gschossa.
Gibt es etwas, das Sie jungen Kreativen mit auf den Weg geben möchten?
Han vorgeschter Troya im Fernseh gluagt. Do het der Odysseus zum Achilles gsait: "War is: young men dying and old men talking. You know this. Ignore the politics!" Machend ds gliicha idr Werbebrancha! Schiissend uf Politics und schlechti Khlaims. Züchend eures Ding dura und lönd eu nid verbroota!
Fragen: Marco Lüthi
